www.uuluurhai.mn Уул уурхай.мн
“Wolf petroleum” компани “Сүхбаатар аймаг дахь Сүхбаатар 27 талбай 1.092 тэрбум баррель газрын тосны нөөцтэй” гэсэн таамаг гаргажээ. Өнгөрсөн онд хийсэн геологи, геофизикийн цогц судалгааны дүнд тэд ийнхүү таамаглаж буй агаад энэ онд уг талбайн долоон газарт өрөмдөхөөр зэхэж буй аж. Өөрөөр хэлбэл, өрөмдлөгийн дүнд ийм хэмжээний нефть байгаа эсэх нь эцэслэн тогтоогдох юм байна. Газрын тосны салбар нь эрсдэл өндөртэйгээс гадна хөрөнгө оруулалтын хэмжээ нь ч өндөр байдаг. Нэг цооног өрөмдөхөд 5-6 тэрбум төгрөг шаардагдах бөгөөд баталгаат нөөц тогтоохын тулд нэгээс дээш удаа өрөмдлөг хийх болдог аж. Австралийн хөрөнгийн биржид бүртгэл тэй “Wolf petroleum” нь өнгөрсөн оны нэг дүгээр сард Сүхбаатар 27 талбайд Бүтээг дэхүүн хуваах гэрээ байгуулсан. Энэ нь 39 хүртэл жилийн хугацаанд хүчинтэй юм. Нефтийн хайгуул, судалгааны бүхий л хөрөн гө оруулалт, эрсдэлийг гэрээт компани нь үүрч, газрын тос илэрсэн, олборлосон нөхцөлд бүтээгдэхүүний ашиг орлогын 50 ба түүнээс дээш хувийг холбогдох татвар хураамжийн хамт Монгол Улсын төсөвт төвлөрүүлэхээр уг гэрээнд тусгажээ. Сүхбаатар 27 талбай нь нефть олборлох зардал харьцангуй багатайгаас гадна Хятад руу дэд бүтэц сайн хөгжсөн тул түүхий эд худалдах зах зээл бэлэн бий хэмээн Австралийн хөрөнгийн биржийн мэдээлэлд уг ордыг тодотгожээ.
Mongolnews
